1.

చేతోదర్పణ మార్జనం 
భవమహాదావాగ్నినిర్వాపణం
శ్రేయఃకైరవచంద్రికావితరణం
విద్యావధూజీవనం
ఆనందాంబుధివర్ధనం
ప్రతిపదం పూర్ణామృతాస్వాదనమ్
సర్వాత్మస్నపనం పరం విజయతే
శ్రీకృష్ణసంకీర్తనమ్

2.

నామ్నామకారి బహుధా నిజసర్వశక్తి-
స్తత్రార్పితా నియమితః స్మరణే న కాలః |
ఏతాదృశీ తవ కృపా భగవన్ మమాపి
దుర్ల్వైవమీదృశమిహాజని నానురాగః ॥

3.

తృణాదపి సునీచేన తరోరివ సహిష్ణునా
అమానినా మానదేన కీర్తనీయః సదా హరిః

4.

న ధనం న జనం న సుందరీం
కవితాం వా జగదీశ కామయే |
మమ జన్మని జన్మనీశ్వరే
భవతాద్భక్తిరహైతుకీ త్వయి ||

5.

అయి నందతనుజ కింకరం
పతితం మాం విషమే భవాంబుధౌ |
కృపయా తవ పాదపంకజ
స్థిత ధూళి సదృశం విచిన్తయ ॥

6.

నయనం గలదశ్రుధారయా
వదనం గద్గద రుద్ధయా గిరా |
పులకైర్నిచితం వపుః కదా
తవ నామ గ్రహణే భవిష్యతి ॥

7.

యుగాయితం నిమేషేణ చక్షుషా ప్రావృషాయితం |
శూన్యాయితం జగత్సర్వం గోవిందవిరహేణ మే ||

8.

ఆశ్లిష్య వా పాదరతాం పినష్టు మాం
అదర్శనాన్ మర్మహతాం కరోతు వా |
యథా తథా వా విదధాతు లంపటో
మత్య్రాణనాథస్తు స ఏవ నాపరః ||